Daar is twee fisioterapeute werksaam by Jan Krielskool. Dienste word aan leerders van graad R tot 12 gelewer waar nodig.

Fisioterapie is gerig op die ontwikkeling van motoriese vaardighede wat ‘n rol speel in skolastiese vordering. Hierdie vaardighede sluit balans en koördinasie in. Fisiese gestremde leerders ontvang terapie wat gerig is op die bevordering van onafhanklikheid en/of instandhouding van funksie.

Fisioterapie het die volgende ten doel:

• Graad R tot Graad 3 leerders met ontwikkelingsagterstande word geidentifiseer en assesseer en ontwikkeling word aangemoedig.
• Terapie om balans en motoriese vaardighede te ontwikkel en verbeterword op individuele basis en in groepsverband aangebied. Stimulasieprogramme om bogenoemde aan te spreek word volgens elke leerder se behoefte aangepas.
• In klasse word die posisie van elke leerder se bank so aangepas dat elke leerder maksimale aandag kan kry, maar ook sodat die leerder se aandag en konsentrasie maksimaal benut kan word.
• Fisies gestremde leerders word so in hulle rystoele geposisioneer dat deformiteite en sekondêre komplikasies soos druksere voorkom kan word. Spiere en gewrigte word gestrek en mobiliseer sodat omvang van beweging behou of verbeter word.
• Sportbeserings wat tydens sport soos toutrek, rugby en netbal opgedoen word, word behandel.