Aansoek om toelating word deur die
leerder se huidige skoolhoof in samewerking met die
betrokke Onderwysdistrik se sielkundige hanteer.
Die departementele aansoekvorm moet voltooi word
en alle beskikbare dokumentasie, soos verslae van
opvoeders, terapeute, sielkundiges, medici en ander
professionele rolspelers, moet aangeheg wees. Aanbevelings
word gemaak deur die plaaslike Onderwysdistrik voordat
die aansoek na die Direkteur van Spesiale Onderwysdienste
in die Wes-Kaapse Onderwysdepartement vir goedkeuring
gestuur word. Hierdie proses kan ongeveer ses weke
duur.
Indien daar ‘n toepaslike plek beskikbaar is,
word reëlings getref vir toelating. Wanneer ‘n
leerder gebruik moet maak van ons daaglikse busdiens,
moet daar ook ‘n sitplek vir die leerder op
die toepaslike bus beskikbaar wees.
Indien daar nie ‘n plek vir die leerder beskikbaar
is nie, word die leerder se naam op ‘n waglys
geplaas.
|
