As dubbelmediumskool is dit ons strewe om Afrikaans- en Engelssprekende leerders te verenig in ‘n hegte skoolgemeenskap waarin die taal en kultuur van albei groepe eerbiedig en bevorder word.

Die standaard van werk is gelykstaande aan dié van hoofstroom skole. Aan die einde van graad 12 skryf Jan Krielskoolleerders die Nasionale Senior Sertifikaat-eksamen.

Graad R- tot 2-leerders mag om 13:00 huis toe gaan op Dinsdae, Woensdae en Vrydae. Leerders vanaf graad 3 volg die bogenoemde program.

Grondslagfase:

Skryfboeke word voorsien soos nodig en ouers betaal aan die begin van die jaar ‘n fooi vir die gebruik van leesboeke.

Intermediêre fase:

Gekondenseerde notas en werkvelle word aan leerders voorsien waarvoor die ouers aan die begin van die jaar ‘n fooi betaal.

Hoërskool:

Die eerste stel skryfboeke word jaarliks deur die skool aan hoërskoolleerders voorsien. Ouers kan handboeke by die skool se boekverskaffer aankoop.